Pieravozčyk, uładalnik firmy Alaksiej Tužykaŭ z Puchavickaha rajona pryjšoŭ siońnia na akcyju pradprymalnikaŭ z płakatam «Štrafy bel toll — hienacyd pieravozčykaŭ».
Jon patłumačyŭ «NN», čamu vyjšaŭ na pratest: «Mnie niezrazumieła, čamu ŭ Biełarusi štrafy vystaŭlajuć u jeŭra. Čamu my znachodzimsia ŭ takim stanie, u jakim nie možam dakazać svaju pravatu. Z nami robiać toje, što chočuć, a my ničoha nie možam zrabić. Vielmi ciažka. Paru dzion tamu mnie dasłali štraf u pamiery 39 miljonaŭ. Nie viedaju, što rabić. Ciažka jak i ŭsim», — skazaŭ Alaksiej Tužykaŭ.
Praź niejki čas da jaho padyšoŭ supracoŭnik milicyi, jaki staŭ składać na Tužykava pratakoł. Vyśvietliłasia, što milicyjant i ŭdzielnik akcyi — adnaviaskoŭcy, byli siabrami ŭ dziacinstvie.
«My vučylisia ŭ adnoj škole, tata ŭ jaho nastaŭnik. Ciapier tak atrymałasia, što my pa roznyja baki barykad. My ź im z małych hadoŭ razam biehali», — skazaŭ Tužykaŭ.
Znajomstva nie spyniła supracoŭnika MUS i na Alaksieja Tužykava byŭ składzieny pratakoł, ciapier jaho budzie čakać sud.
