Pakupnik-cham źbiŭ minčuka, jaki zastupiŭsia za pradaŭca, paviedamiła pres-aficer Frunzienskaha RUUS stalicy Natalla Askirka.
Zdareńnie adbyłosia jašče ŭviečary 29 lutaha ŭ pamiaškańni kramy «Azareńnie» pa vulicy Bielskaha. Małady čałaviek, stojačy ŭ čarzie, pačaŭ hrubijanić pradaŭcam i vykazvać im svaje pretenzii z nahody taho, što čarha ruchajecca pavolna. Tady jamu prapanavali prajści ŭ svabodnuju susiedniuju kasu. Ale i tam chulihan praciahnuŭ abražać pradaŭcoŭ. «Sa słoŭ pradaŭcoŭ, małady čałaviek pavodziŭ siabie nieadekvatna, jak byccam pjany abo pad uździejańniem narkatyčnych srodkaŭ», — dadała Natalla Askirka.
Pakupnik, jaki stajaŭ zzadu chłopca, zrabiŭ jamu zaŭvahi i byŭ tut ža abłajany. Nieŭzabavie padazravany apłaciŭ nabytaje i pakinuŭ kramu, papiaredziŭšy, što budzie čakać svajho apanienta na vulicy. Jak tolki mužčyna, jaki zastupiŭsia za pradaŭcoŭ, vyjšaŭ z budynka, chulihan źbiŭ jaho. Paciarpieły ź cialesnymi paškodžańniami byŭ dastaŭleny ŭ balnicu.
Ciapier milicyja šukaje padazravanaha: mužčynu 20-25 hadoŭ, rostam 170-175 sm i chudarlavaha ciełaskładu. U toj dzień jon byŭ apranuty ŭ bežavuju padoŭžanuju kurtku, ciomnyja džynsy i spartyŭny abutak. Pravaachoŭniki prosiać hramadzian, jakija majuć jakuju-niebudź infarmacyju, paviedamić pra heta pa telefonach 8-044-7844829, 8-017-2076767, 8-017-2569587 ci 102. Kanfidencyjnaść harantujecca.
fota i videa HUVD
