fota pres-słužby prezidenta RF
Prezident Uładzimir Pucin zahadaŭ pačać vyvad asnoŭnych sił Rasii ź Siryi z 15 sakavika. Ab hetym kiraŭnik dziaržavy zajaviŭ na sustrečy ź ministram zamiežnych spraŭ Siarhiejem Łaŭrovym i ministram abarony Siarhiejem Šajhu.
«Liču, što zadačy, pastaŭlenyja pierad Ministerstvam abarony, u cełym vykanany. Tamu zahadvaju z zaŭtrašniaha dnia pačać vyvad asnoŭnaj častki našaj vajskovaj hrupoŭki ź Siryjskaj Arabskaj Respubliki», — zajaviŭ Pucin.
Pa słovach prezidenta RF, punkty bazavańnia rasijskich uzbrojenych sił u porcie Tartus i na avijabazie Chmiejmim «buduć funkcyjanavać u raniejšym režymie, jany pavinny być nadziejna abaronieny z sušy, mora i z pavietra».
Rasijskija ŚMI paviedamlajuć, što Pucin painfarmavaŭ prezidenta Siryi Bašara Asada ab svaim rašeńni. Novy krok Maskvy — heta, musić, vialiki ŭdar dla Damaska.
Pakul niajasna, što staić za hetym rašeńniem. Analityki źviartajuć uvahu na toje, što rasijskim vojskam nie ŭdałosia rašuča źmianić chod hramadzianskaj vajny. U Maskvy prosta niama resursaŭ dla viadzieńnia praciahłaha kanfliktu.
