Partyja «Samapomač» hatovaja ŭdzielničać va ŭładzie i nieści adkaznaść suraźmierna davieru, jaki joj daŭ ukrainski narod.
Pra heta lidar partyi, mer Lvova Andrej Sadavy zajaviŭ žurnalistam paśla bolš čym dvuchhadzinnaj sustrečy z prezidentam Ukrainy Piatrom Parašenkam u paniadziełak u Kijevie.
«Takija razmovy byli (datyčna pryznačeńnia Sadovaha premjer-ministram) i siońnia, i raniej. Ja jašče raz padkreślivaju, što ja - realist, a «Samapomač» maje 26 deputataŭ. Tamu my hatovyja nieści adkaznaść, ale ŭ miežach taho davieru, jaki my majem pierad ukrainskim narodam», — skazaŭ jon.
Pry hetym Sadavy adznačyŭ, što ŭ parłamiencie jość dźvie vialikija frakcyi — «Błok Piatra Parašenki» i «Narodny front» — i jany abaviazanyja prapanoŭvać svaje varyjanty. «Nielha siońnia ŭsio śpichvać na «Samapomač». Jany zrabili siońnia nieviadoma što, u krainie biada, a ciapier «Samapomač» — ratujcie situacyju», — zajaviŭ palityk.
Jon taksama vykazaŭ mierkavańnie, što Viarchoŭnaja Rada mianiaje svaju pazicyju z ahladkaj na punkt hledžańnia ludziej, jakija nie znachodziacca ŭ parłamiencie, «kali aliharchi sakirujuć parłamientam».
