Ukraina, Jeŭrasajuz i ZŠA rychtujuć sankcyi suprać rasiejskich čynoŭnikaŭ, jakija majuć dačynieńnie da vykradańnia ŭkrainskaj lotčycy Nadziei Saŭčanka.
Hetaje pytańnie ŭčora abmierkavaŭ prezident Piotr Parašenka padčas sustrečy z advakatami Saŭčanka, paviedamlaje Liga.net.
«Ukraina razam ź ES i ZŠA rychtuje sankcyi suprać rasiejskich čynoŭnikaŭ, jakija majuć dačynieńnie da vykradańnia Nadziei Saŭčanka i ździekaŭ ź jaje. Heta pytańnie siońnia prezident abmierkavaŭ z advakatami ŭkrainskaha hieroja», — paviedamiŭ pres-sakratar prezidenta Śviatasłaŭ Cahałko.
Jon dadaŭ, što hetaje pytańnie taksama datyčycca i inšych ukrainskich palitviaźniaŭ, jakija niezakonna ŭtrymlivajucca ŭ RF, u pryvatnaści Aleha Siancova, Alaksandra Kolčanki, Hienadzia Afanaśjeva i Achmieta Čyjhoza.
Učora prezident Parašenka ŭ Administracyi prezidenta pravioŭ sustreču z advakatami Saŭčanka Illoj Novikavym, Mikałajem Połazavym i Markam Fiejhinym. Kiraŭnik dziaržavy padziakavaŭ advakatam «za samaaddanuju i ščyruju pracu».
9 sakavika 57 deputataŭ Jeŭraparłamienta padpisali zvarot da viarchoŭnaha pradstaŭnika ES pa zamiežnych spravach i palitycy biaśpieki Fiederyka Mahieryni z prośbaj inicyjavać «śpis Nadziei Saŭčanka» na ŭzor «śpisu Mahnickaha». U «śpis Saŭčanka» ŭvajšoŭ prezident RF Uładzimir Pucin i jašče 28 čałaviek, u tym liku dyrektar FSB Alaksandr Bortnikaŭ i kiraŭnik kamiteta Dziarždumy Alaksiej Puškoŭ.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary