Prezident Azierbajdžana Ilcham Alijeŭ pamiłavaŭ 14 čałaviek, jakich miascovyja pravaabaroncy nazyvali palityčnymi viaźniami.
Siarod pamiłavanych — lidar Partyi nacyjanalnaj dziaržaŭnaści Azierbajdžana Niemat Panachły, błohier Amar Mamadaŭ, žurnalist Parviz Chašymli, aktyvisty moładzievaha ruchu NIDA i niekatoryja inšyja aktyvisty i palityki.
Staršy supracoŭnik Fondu Karniehi Tom de Vaał nazvaŭ vyzvaleńnie aktyvistaŭ «pa-sapraŭdnamu pazityŭnymi krokami» z boku ŭładaŭ.
«Heta moža być žest z metaj zadobryć ZŠA pierad vizitam prezidenta Ilchama Alijeva ŭ Vašynhton na atamny samit, pakul amierykanski kanhres pierahladaje zakon ab vizavych abmiežavańniach dla azierbajdžanskich čynoŭnikaŭ», — adznačaje de Vaał.
Raniej u čaćvier stała viadoma, što ŭ Azierbajdžanie vyjšaŭ na volu žurnalist Rauf Mirkadyraŭ, letaś prysudžany da šaści hadoŭ źniavoleńnia za dziaržaŭnuju zdradu.
Mirkadyraŭ byŭ zatrymany ŭ 2014 hodzie ŭ Turcyi, adkul byŭ departavany ŭ Azierbajdžan.
