U Biełarusi płanujecca źniać abmiežavańni na kolkaść markiravanaj biełaruskimi akcyznymi markami ałkaholnaj pradukcyi, jakaja pieramiaščajecca i zachoŭvajecca fizičnymi asobami. Heta praduhledžana prajektam dekreta, razhledžanym 21 sakavika na naradzie ŭ kiraŭnika Biełarusi pa pytańniach udaskanaleńnia pravavoha rehulavańnia abarotu ałkaholnaj pradukcyi.
Kiraŭnik dziaržavy padkreśliŭ, što prajektam dakumienta treba budzie vyznačyć aptymalnyja padychody da abarotu ałkaholnaj pradukcyi ŭ krainie. Pry hetym pavinien być dakładna vykanany bałans intaresaŭ ludziej i dziaržavy.
Kiraŭnik krainy rastłumačyŭ, čamu paŭstała nieabchodnaść nadać naležnuju ŭvahu hetamu pytańniu. U minułym hodzie adbyłosia niekalki vypadkaŭ, jakija byli ahučany ŭ ŚMI i mieli šyroki hramadski rezanans: milicyja i padatkovyja orhany pryciahnuli hramadzian da dosyć surovaj adkaznaści za pieravozku i zachoŭvańnie adnosna nievialikaj kolkaści ałkaholu. Pryčym ludzi zakuplali śpirtnoje dla ŭłasnych patrebaŭ, da prykładu, dla siamiejnych śviataŭ, a nie z metaj pieraprodažu. U vyniku pytańnie vyjšaŭ na prezidencki ŭzrovień, i kiraŭnik dziaržavy daručyŭ zakanadaŭčym čynam ŭrehulavać dadzienuju prablemu.
Tak, pa daručeńni Łukašenki byŭ padrychtavany prajekt dekreta, u adpaviednaści ź jakim prapanujecca admianić abmiežavańni na kolkaść ałkaholnych napojaŭ (markiravanych biełaruskimi akcyznymi markami), jakija hramadzianie mohuć zachoŭvać i pieravozić pa terytoryi krainy.
Na naradzie Alaksandr Łukašenka prapanavaŭ padrabiazna abmierkavać pałažeńni novaha dakumienta. Na jaho dumku, zychodzić varta vyklučna ź intaresaŭ ludziej i dziaržavy i z toj situacyi, što składvajecca. «Davajcie z punktu hledžańnia hramadstva razhledzim hetaje pytańnie, a taksama z tym, kab pryniataje rašeńnie nie naniesła škodu dziaržavie, pierš za ŭsio z ekanamičnaha punktu hledžańnia i padatkaabkładańnia», — adznačyŭ Alaksandr Łukašenka.
Kiraŭnik krainy ŭ cełym padtrymaŭ prajekt dakumienta, daručyŭšy dapracavać jaho ŭ častcy ŭzmacnieńnia adkaznaści za niezakonny abarot ałkaholu - za zachoŭvańnie i pierasoŭvańnie pa terytoryi krainy niemarkiravanaj ałkaholnaj pradukcyi, za nielehalny prodaž ałkaholu.
