Apošni papiarovy numar brytanskaj haziety Independent vyjšaŭ 26 sakavika 2016 hoda, paviedamlajuć infarmahienctvy. Pa rašeńni kiraŭnictva vydańnia, viadomaja brytanskaja hazieta Independent u apošni raz pabačyła śviet u papiarovaj viersii. Ciapier jana budzie isnavać tolki ŭ anłajn-viersii.
Heta pieršy z 1995 hoda poŭny pierachod u onłajn hetak bujnaha vydańnia ŭ Brytanii.
Štodzionnaja hazieta Independent zasnavana ŭ 1986 hodzie i da 1990 hoda dasiahnuła nakładu ŭ 400 tys. asobnikaŭ. Hazieta pazicyjanavała siabie jak niezaležnaja ad partyjnych pieravah vydańnie, u pytańniach palityki jakoje znachodzicca pamiž bolš levaj Guardian i kansiervatyŭnaj Times. Adnak užo z pačatku 90-ch hadoŭ minułaha stahodździa hazieta mieła finansavyja ciažkaści, jaje tyraž padaŭ, i ŭ 2010 hodzie hazietu nabyŭ rasijski biźniesmien Alaksandr Lebiedzieŭ.
U 2015 hodzie štodzionny tyraž haziety ŭpaŭ nižej za 58 tys. asobnikaŭ. Pry hetym, na dumku ŭładalnikaŭ, anłajn-viersija vydańnia źbiraje ŭsio bolš čytačoŭ.
