Fota Volhi Šukajła, Tut.by
Hety tydzień adznačycca karennym pierałomam u klimatyčnych umovach: pavietranyja patoki źmieniacca na paŭdniova-zachodnija, i z akvatoryi Mižziemnamorja da nas nakirujecca subtrapičnaje ciapło. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak, 5 krasavika, pieravažna biez apadkaŭ. Nočču i ranicaj miescami słaby tuman. Tempieratura nočču -1 … + 6°S, dniom + 13 … + 19°S.
U sieradu, 6 krasavika, taksama pieravažna biez apadkaŭ, tolki dniom pa paŭnočnym zachadzie adabjecca ŭpłyŭ małaaktyŭnaha frontu, dzie i projduć miescami karotkačasovyja daždžy, mahčymy navalnicy. Tempieratura nočču + 2 … + 9°S, dniom + 15 … +20°S, pa paŭdniovym zachadzie da + 24°S.
U čaćvier, 7 krasavika, nočču miescami pa krainie, dniom u asobnych rajonach Homielskaj vobłaści čakajucca karotkačasovyja daždžy, navalnicy. Tempieratura nočču + 4 … + 11°S, dniom + 12 … + 18°S, pa poŭdni + 19 … + 22°S.
U piatnicu i subotu, 8 i 9 krasavika, miescami, pieravažna pa paŭnočnym zachadzie, karotkačasovyja daždžy, navalnicy.
Tempieratura nočču + 7 … + 13°S, 8 krasavika pa paŭnočnym uschodzie + 4 … + 6°S; dniom + 16 … + 23°S, pa paŭdniovym uschodzie da +25°S, u paŭnočna-zachodnich rajonach + 12 … + 15°S.
U niadzielu, 10 krasavika, praź Biełaruś budzie prachodzić bolš aktyŭny atmaśfierny front i pryniasie ŭžo na bolšuju častku terytoryi karotkačasovyja daždžy, u asobnych rajonach navalnicy.
Tempieratura nočču + 5 … + 12°S, dniom + 12 … + 19°S, pa paŭdniovym uschodzie + 20 … + 22°S, u krajnich zachodnich rajonach kala +10°S.
