Darja Domračava na asabistym sajcie raspaviała, što płanuje paśla naradžeńnia dziciaci viarnucca da honak u studzieni 2017 hoda.
Naša žyćcio šmathrannaje. I tak važna samyja značnyja ŭ joj mety ažyćciavić svoječasova.
30 hadoŭ — vydatny ŭzrost dla naradžeńnia dziciaci. Uvosień ja stanu mamaj
Heta padzieja zapłanavanaja i vielmi žadanaja. Siońnia — heta samaje hałoŭnaje, što adbyvajecca ŭ maim žyćci!
U suviazi z hetym chaču krychu supakoić svaich spartyŭnych zaŭziataraŭ. Ja praciahvaju ŭmieranyja treniroŭki pad nahladam śpiecyjalistaŭ i budu vielmi staracca viarnucca da honak u studzieni. Viadoma, ja miarkuju, što budzie niaprosta, ale ja jak zaŭsiody hatovaja surjozna pracavać, krok za krokam viartajučysia ŭ dobruju spabornickuju formu i ŭžo vielmi sumuju pa duchu vialikaha bijatłona.
Zaraz ja chacieła b spakojna treniravacca i adpačyvać, tamu ŭdzieł u roznych mierapryjemstvach, kudy ja atrymlivaju šmatlikija zaprašeńni, nie ŭvachodzić u maje płany.
Ja vielmi prašu ŭsich z pavahaj pastavicca da dadzienaj naviny, nie śpiekulujučy na hetaj temie i nie sprabujučy atrymać dadatkovyja kamientary. Heta vielmi važny dla mianie pieryjad, i ja ščyra spadziajusia na vaša razumieńnie.
Kamientary