Inviestycyi dla raźvićcia biełaruskaha mašynabudavańnia buduć davacca tolki pad kankretnyja rynki zbytu. Pra heta siońnia zajaviŭ Alaksandr Łukašenka ŭ čas naviedvańnia AAT «Minski aŭtamabilny zavod» — kirujučaja kampanija chołdynhu «BiełaŭtaMAZ».
Kiraŭniku dziaržavy paviedamili ab vynikach finansava-haspadarčaj dziejnaści i pierśpiektyvach raźvićcia pradpryjemstva. Jak adznačyŭ Łukašenka, padčas naviedvańnia MAZa jamu taksama prapanoŭvali pravieści naradu pa pytańniach stratehii raźvićcia ajčynnaha mašynabudavańnia ŭ cełym. Na hetym mierapryjemstvie ŭ tym liku mierkavałasia abmierkavać pytańnie raźmierkavańnia kredytnych resursaŭ, jakija pradstaŭlajucca Biełarusi Kitajem.
Alaksandr Łukašenka rastłumačyŭ, što dadzienaja narada projdzie paźniej i ŭ inšym farmacie. Pry hetym jon padkreśliŭ, što lubyja finansavyja resursy, asabliva kredytnyja, pradpryjemstvy zmohuć atrymać tolki paśla starannaha praliku patencyjnych rynkaŭ zbytu novaj pradukcyi. «Vy atrymajecie hrošy, mahčyma i kitajskija kredyty, tolki tady, kali pakažacie, što ŭ vas jość rynki, kudy pradaście hetuju pradukcyju. U advarotnym vypadku nie damo ni kapiejki, — skazaŭ Alaksandr Łukašenka.
— Ja nie mahu ŭkłaści siudy čarhovy raz sotni miljonaŭ dalaraŭ, za jakija vy stvorycie niejki pradukt i pastavicie na skład, a jašče horš — prosta praješcie».
«Tamu vy pavinny dakładna razumieć, što kali bieracie hrošy pad niejki pradukt, to pavinny dakazać, što, vyrabiačy jaho, zaŭtra pradaście», — dadaŭ biełaruski lidar.