Siońnia ŭ Minsku projduć bieatyfikacyjnyja ŭračystaści ŭ honar budaŭnika Čyrvonaha kaścioła Edvarda Vajniłoviča
10 krasavika ŭ minskim kaściole sv. Symona i Aleny (Čyrvony kaścioł) pačniecca bieatyfikacyjny praces Edvarda Vajniłoviča.
Edvard Vajniłovič — hramadska-palityčny, kulturny dziejač i dabračynca pačatku XX stahodździa. Śviadomy biełarus, erudyt, haspadarnik, arhanizatar i refarmatar, palityk i myśliciel, jaki naradziŭsia ŭ 1847 hodzie ŭ Savičach, a pamior u 1928 hodzie ŭ Bydhaščy. Niekalki hadoŭ tamu truna ź ciełam była viernutaja ŭ Minsk.
Viadomy taksama jak fundatar kaścioła sv. Symona i Aleny ŭ Minsku. Dapamahaŭ u budaŭnictvie śviatyniaŭ roznych kanfiesij u Biełarusi: katalickich, pravasłaŭnych, jaŭrejskich i musulmanskich, spryjajučy duchoŭnamu i kulturnamu adradžeńniu hramadstva.
Uračystaści pačnucca a 11-j hadzinie.
A 11-j projdzie sv. Imša. A 12-j — pačniecca ŭračystaja siesija z nahody bieatyfikacyjnaha pracesu, u jakoj voźmie ŭdzieł arcybiskup Tadevuš Kandrusievič.
U prahramie: — infarmacyja kanclera kuryi ks. Dźmitryja Puchalskaha ab pryznačeńni bieatyfikacyjnaha trybunału;
— uručeńnie dekretaŭ členam trybunału, arcybiskup Tadevuš Kandrusievič;
— słova padziaki ksiandza dekana Uładzisłava Zavalniuka, probašča parafii Svv. Symona i Aleny;
— słova arcybiskupa Tadevuša Kandrusieviča, jaki čytaje list arcybiskupa Krakaŭskaha kardynała Stanisłava Dziviša; malitva ab bieatyfikacyi; błasłaŭleńnie,
— pracesija da miesca pachavańnia Edvarda Vajniłoviča.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary