Prakuror Bielhii paviedamiŭ, što zatrymany ŭ piatnicu Muchamied Abryni pryznaŭsia, što jon płanavaŭ terakt u Francyi, adnak potym staŭ adnym z udzielnikaŭ napadu ŭ Brusieli.
U piatnicu razam z Abryni było zatrymana jašče niekalki čałaviek. Ich imiony nie nazyvajucca. Abvinavačvańni ŭ teraryźmie vystaŭlenyja Abryni i traim jaho saŭdzielnikam.
Bielhijskaja prakuratura paviedamlaje, što zatrymanyja pryznalisia ŭ tym, što płanavali ździejśnić novy terakt u Paryžy, adnak, «ździŭlenyja chutkim chodam rasśledavańnia», pieranieśli jaho ŭ Brusiel i ździejśnili 22 sakavika.
Prakuratura ŭžo vyjaviła suviaź zatrymanaha Abryni z teraktami ŭ Paryžy ŭ listapadzie minułaha hoda.
Miarkujecca, što 31-hadovy Abryni, bielhijec marakanskaha pachodžańnia, byŭ źniaty na kamiery vonkavaha videanazirańnia na adnoj ź bienzazapravak razam z Sałacham Abdesłamam, inšym padazravanym u sieryi napadaŭ u Paryžy. Jany byli źniatyja za dva dni da teraktu ŭ Paryžy. Abdesłam byŭ zatrymany ŭ Brusieli ŭ sakaviku hetaha hoda.
U subotu Abryni pryznaŭsia, što čałaviek u kapielušy na zdymku, zroblenym u aeraporcie Brusiela niezadoŭha da vybuchaŭ, heta jon.