Fota Julii Balcevič
Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.
«Na hetym tydni ŭ Biełarusi pad upłyvam frantalnych raździełaŭ trymałasia niaŭstojlivaje z daždžami nadvorje. Tempieraturny fon pa-raniejšamu vysoki, jon pieravyšaje klimatyčnuju normu na 5—9 hradusaŭ», — adznačyła Śviatłana Rybakova.
U piatnicu, 15 krasavika, umovy nadvorja ŭ Biełarusi buduć vyznačacca upłyvam vobłaści pavyšanaha cisku, jakaja sfarmiravana u vilhotnaj chałodnaj pavietranaj masie. Budzie pieravažna biez apadkaŭ, tolki miescami pa ŭschodzie krainy projduć karotkačasovyja daždžy, ranicaj pa Viciebskaj vobłaści mahčymy mokry śnieh. Nočču i ranicaj u asobnych rajonach słaby tuman. Tempieratura pavietra ŭnačy — ad 1 da 7 hradusaŭ ciapła, pry prajaśnieńniach da minus 2, dniom budzie 8—14 sa znakam plus.
U subotu, 16 krasavika, nočču na bolšaj častcy krainy zachavajecca ŭpłyŭ vobłaści pavyšanaha cisku, dniom nadvorje abumović małaaktyŭny atmaśfierny front, jaki pieramiaščajecca z Zachodniaj Jeŭropy. Nočču pa paŭdniovym zachadzie krainy, dniom miescami pa krainie projduć karotkačasovyja daždžy, u asobnych rajonach nie vyklučany navalnicy.
Nočču i ranicaj miescami tuman. Tempieratura pavietra ŭnačy — minus 3 — plus 3 hradusy, udzień — 8—15 ciapła; pa paŭdniovym zachadzie budzie niekalki ciaplej: nočču — ad 4 da 6 vyšej za nul, dniom — da 19 ciapła.
U niadzielu, 17 krasavika, nadvorje ŭ krainie buduć vyznačać atmaśfiernyja franty, jakija pieramiaščajucca z Zachodniaj Jeŭropy. Karotkačasovyja daždžy buduć adznačacca ŭ mnohich rajonach krainy, miescami z navalnicami.
Tempieratura pavietra nočču — plus 3—10, dniom — ad 10 da 17 ciapła, pa paŭdniovym uschodzie — da 21 vyšej za nul.
«Na pačatku nastupnaha tydnia ŭ Biełarusi pad upłyvam atmaśfiernych frantoŭ i pavietranych mas z Bałtyki zachavajecca niaŭstojlivaje nadvorje», - raspaviała Śviatłana Rybakova.
U paniadziełak, 18 krasavika, na bolšaj častcy terytoryi projduć daždžy, miescami navalnicy.
Tempieratura pavietra nočču — plus 1-8, dniom — ad 8 da 15 hradusaŭ ciapła.
U aŭtorak i sieradu, 19 i 20 krasavika, karotkačasovyja daždžy čakajucca miescami pa krainie, dniom mahčymy navalnicy.
Tempieratura pavietra ŭnačy składzie ad 1 da 6 hradusaŭ ciapła, u noč na sieradu pry prajaśnieńniach — da minus 2 hradusaŭ, dniom budzie 6-13 hradusaŭ ciapła.
