Pieršymi z pładovych dreŭ zaćvili abrykosy, ślivy i ałyča. Ich kalarovaja hama, što raduje voka, varjirujecca ad biełaha da ciomna-ružovaha.
Pa słovach asistenta kafiedry bataniki i fizijałohii raślin Homielskaha dziaržaŭnaha ŭniviersiteta imia F.Skaryny Śviatłany Žadźko, heta aznačaje, što drevy ŭžo atrymali sumu stanoŭčych tempieratur, što patrabujecca dla zaćvitańnia.
«Hetak rannija terminy pačatku viehietacyi pradvyznačyła miakkaja zima, a taksama dastatkova ciopłyja sakavik i krasavik», — miarkuje jana.
U apošnija hady na paŭdniovym uschodzie Biełarusi nazirajecca ŭstojlivaja tendencyja ŭ bok bolš rańniaha pačatku ćvicieńnia pładovych dreŭ. Za apošnija 10-15 hadoŭ heta zrušeńnie skłała jak minimum dva tydni: z kanca krasavika da siaredziny miesiaca.
«Hety fakt źjaŭlajecca jašče adnym paćviardžeńniem taho, što ŭ našaj krainie nazirajecca paciapleńnie klimatu. Mahčyma, na paŭdniovym uschodzie heta bolš vyjaŭlena», — adznačyła śpiecyjalist.