Tenisistka Viktoryja Azaranka pakazała nieprystojny žest u bok trybun padčas matču płej-of za prava zhulać u Suśvietnaj hrupie Kubka Fiederacyi suprać rasijanki Darji Kasatkinaj.
EPA
U šostym hiejmie druhoha seta na padačy Azaranka pry liku 2:3 biełaruskaja tenisistka vykazała niezadavolenaść šumam, jaki čuŭsia z trybun, skryžavaŭšy ruki ŭ źniavažlivym žeście. Hiejm ŭ vyniku zaviaršyŭsia pieramohaj Viktoryi, a sudździ pryjšłosia prasić zaŭziataraŭ zachoŭvać cišyniu (arbitr tradycyjna robić zaŭvahi zaŭziataram na tenisnych matčach).
U vośmym hiejmie Azaranka hučna niecenzurna vyłajałasia paśla prajhranaha ačka.
Azaranka hatovaja da štrafu za svoj hruby žest.
«Napeŭna, mnie budzie štraf, heta nie ŭpieršyniu sa mnoj, — skazała Azaranka na pres-kanfierencyi. — Ja nie razumieju hetych vykrykaŭ z boku zaŭziataraŭ, mienavita nie padtrymać, a pieraškodzić. Ja ni razu nie čuła, kab biełaruskija zaŭziatary pieraškadžali pry padačy Dašy. Ja razumieju, što heta niapravilna, ale ŭ mianie emocyi, ja čałaviek.