17 krasavika ŭ Minsku kala cyrka aktyvisty ruchu «Ekałahičny pošuh» praviali akcyju suprać vykarystańnia žyvioł u cyrkavych šou.
Pikiet doŭžyŭsia kala 20 chvilin. Nieŭzabavie da aktyvistaŭ «Ekałahičnaha pošuhu» padyšoŭ achoŭnik cyrka, byli i ludzi ŭ cyvilnym ź videakamierami. Praź niekatory čas pryjechała mašyna milicyi, ale pratestoŭcy paśpieli razyścisia.
Siońniašniaja akcyja pryśviečanaja mižnarodnamu Dniu za cyrk biez žyvioł.
«My chacieli pakazać, što nie prymajem vykarystańnie žyvioł u jakaści zabavy. Lubyja formy dresiroŭki — heta hvałt nad pryrodnaj sutnaściu žyvych arhanizmaŭ. Stasunak pamiž čałaviekam i žyviołami moža adbyvacca tolki va ŭmovach roŭnych dačynieńniaŭ u miežach žyvoj pryrody. Luboje žyćcio kaštoŭnaje samo pa sabie», — kaža ŭdzielnik akcyi.
«Padčas akcyi my ŭ asnoŭnym bačyli ździŭleńnie, ale niekalki ludziej byli navat aburanyja. Nastolki hłyboka siadzić toj ekspłuatatar u dušach ludziej. Adna žančyna ź dziciom padyšła da aktyvistaŭ i skazała: «Idzicie ŭ inšaje miesca, tut u dziaciej śviata, nie psujcie jaho».