Ministr abarony Polščy Antoni Maciarevič zajaviŭ, što Rasija pa-raniejšamu ŭjaŭlaje surjoznuju pahrozu NATA i što Maskva płanamierna rychtujecca da ahresii suprać aljansu.
Jak paviedamlaje Reuters, Polšča aścierahajecca, što Rasija imkniecca pašyryć upłyŭ za svaje miežy paśla taho, jak Maskva anieksavała paŭvostraŭ Krym va Ukrainy ŭ 2014 hodzie i praciahvaje padtrymlivać uzbrojenych sieparatystaŭ na Danbasie.
«Na dadzieny momant usie pavodziny Rasii śviedčać ab płanamiernaj padrychtoŭcy da ahresiŭnych dziejańniaŭ», — zajaviŭ Maciarevič u intervju Rzeczpospolita, apublikavanym u aŭtorak.
«I para kazać pra heta adkryta», — dadaŭ kiraŭnik Minabarony Polščy.
Adznačym, užo ŭ lipieni 2016 hoda ŭ Varšavie adbudziecca samit kiraŭnikoŭ dziaržaŭ-členaŭ NATA, dzie Polšča maje namier nastojvać na pavieličeńni vajennaj prysutnaści na ŭschodnim fłanhu aljansu.
Jak paviedamlałasia raniej, źniščalniki NATA dvojčy za minuły tydzień padymalisia dla pierachopu rasijskich samalotaŭ. Rasiejskija samaloty znachodzilisia ŭ mižnarodnaj zonie nad Bałtyjskim moram i lacieli z macierykovaj častki Rasii ŭ Kalininhradskuju vobłaść.
Akramia taho, za apošnija niekalki dzion rasiejskija bambaviki Su-24 niekalki razoŭ pralacieli ŭ niebiaśpiečnaj blizkaści ad amierykanskaha eśminca USS Donald Cook u Bałtyjskim mory. Taksama paviedamlajecca, što nad eśmincam pralacieŭ rasijski viertalot Ka-27, ź jakoha, jak miarkujecca, vialisia fotazdymki karabla.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary