Rasiejskija bambaviki Su-24 niekalki razoŭ pralacieli ŭ niebiaśpiečnaj blizkaści ad amierykanskaha eśminca USS Donald Cook u Bałtyjskim mory, paviedamlajuć ŚMI sa spasyłkaj na amierykanskich vajennych.
Pavodle infarmacyi telekanała CNN, bambaviki dvojčy nablizilisia da karabla ŭ noč na sieradu ŭ niejtralnych vodach. U niadzielu samaloty jašče raz nablizilisia da eśminca.
Jak adznačajuć krynicy, bambaviki nie byli abstalavanyja ŭzbrajeńniem, adnak vykanali manieŭr, jaki nahadvaje pavietranuju ataku na sudna.
Vajenny, jakoha cytuje ahienctva Rejter, adznačaje, što samaloty pralacieli na adlehłaści kala 9 mietraŭ nad sudnam i praviali «simulacyju ataki».
Pavodle jaho słoŭ, havorka idzie pra «adzin z samych ahresiŭnych aktaŭ za apošni čas».
Taksama paviedamlajecca, što nad eśmincam pralacieŭ rasijski viertalot Ka-27, ź jakoha, jak miarkujecca, viałasia fotazdymka karabla.
USS Donald Cook — eskadranny minanosiec VMS ZŠA čaćviortaha pakaleńnia, hałoŭnaj zbrojaj jakoha źjaŭlajucca kiravanyja rakiety. Pavodle paviedamleńniaŭ, na borcie karabla znachodziŭsia polski viertalot.
Kamientary