Fota BiełTA
U 2016/2017 navučalnym hodzie ŭ X—XI kłasach profilnaje navučańnie praduhledžvaje vyvučeńnie asobnych pradmietaŭ na pavyšanym uzroŭni.
U suviazi z hetym u typavym navučalnym płanie dla navučencaŭ XI kłasaŭ (hetak ža, jak u 2015/2016 navučalnym hodzie dla vučniaŭ X kłasaŭ) praduhledžana roznaja kolkaść hadzin dla vyvučeńnia pradmietaŭ na bazavym i pavyšanym uzroŭniach.
U Biełarusi prachodzić paetapny pierachod na abnoŭlenyja navučalnyja prahramy pa pradmietach «Biełaruskaja mova», «Ruskaja mova», «Ruskaja litaratura», «Biełaruskaja litaratura». Jany praduhledžvajuć pastupovaje ŭviadzieńnie adnolkavaj kolkaści hadzin na hetyja navučalnyja pradmiety va ŭsich škołach, himnazijach, licejach.
U hetaj suviazi z nastupnaha navučalnaha hoda budzie vydzielena roŭnaja kolkaść hadzin na vyvučeńnie dadzienych pradmietaŭ u II kłasach.
U adpaviednaści z punktam 2.4 abnoŭlenaj Dyrektyvy №1 «Ab mierach pa ŭmacavańni hramadskaj biaśpieki i dyscypliny», zaćvierdžanaj ukazam prezidenta Biełarusi ad 12 kastryčnika 2015 hoda №420, paetapna ŭvodzicca pradmiet «Asnovy biaśpieki žyćciadziejnaści». U 2016/2017 navučalnym hodzie dadzieny navučalny pradmiet budzie ŭviedzieny dla navučencaŭ II i VI kłasaŭ.
Ź pieraliku navučalnych pradmietaŭ dla vučniaŭ VI kłasaŭ vyklučany vučebny pradmiet «Fizika» (vyvučeńnie dadzienaha vučebnaha pradmieta budzie pačynacca z VII kłasa).
Z 2015/2016 navučalnaha hoda ŭ V kłasach pačata vyvučeńnie vučebnaha pradmieta «Mastactva (ajčynnaja i suśvietnaja mastackaja kultura)». Typavym navučalnym płanam na 2016/2017 navučalny hod praduhledžana dalejšaje vyvučeńnie dadzienaha pradmieta navučencami VI kłasaŭ.
Abnoŭlenaj prahramaj u VI kłasie praduhledžana 2 hadziny na vyvučeńnie «Pracoŭnaha navučańnia» (u 2015/2016 navučalnym hodzie — 1 hadzina).
