Zajava siabra Kiroŭnaj rady Dzianisa Kučynskaha ŭ suviazi z apošnimi publikacyjami pra EHU
Jak siabra Kiroŭnaj Rady, mianie vielmi zaniepakoiła zajava v.a Staršyni KR sp-ni E.Łonsdejł u suviazi z artykułam sp. D.Udrysa. Na moj pahlad, takoha kštałtu adkaz nie zusim adpaviadaje karparatyŭnaj kultury adnaho z najvyšejšych vorhanaŭ kiravańnia EHU.
Adnak bolš važnaj, biezumoŭna, źjaŭlajecca sama krytyka, adkaz na jakuju nia byŭ dadzienym.
Jak paŭnapraŭny čalec Kiroŭnaj rady, mahu paćvierdzić, što mnohija z uzdymajemych u artykule pytańniaŭ nasampraŭdzie isnujuć u ciapierašnich realijach. Ščyra kažučy, za apošnija 2 hady dziejańni adkaznych asobaŭ u systemie kiravańnia EHU naŭrad ci možna nazvać paśpiachovymi. U tym liku mnohija z nas, siabraŭ Kiroŭnaj rady, asabliva tyja, chto ŭžo nia pieršy hod zajmaje hetuju adkaznuju pasadu, mahli bolš sumlenna vykonvać svaje pramyja abaviazki pierad universytetam.
Ciažka nie zhadzicca z tym, što ŭ siońniašnich umovach EHU sapraŭdy nieabchodnyja jakasnyja źmieny (u pieršuju čarhu ŭ padychodach da kiravańnia, i ŭ tym liku ŭ samim kiraŭnictvie) dla zachavańnia svajoj paśpiachovaj dziejazdolnaści. Vielmi važna, kab heta razumieli nia tolki astatnija siabry Kiroŭnaj rady, a taksama i Ahulny schod suzasnavalnikaŭ, roŭna jak i bolš šyrokaje koła adkaznych za budučyniu ŭniversyteta ludziej, siarod jakich našyja donary i stejkchołdery. Pahatoŭ, chočacca vieryć, što ŭ bližejšym časie jany buduć hatovyja dać rady biahučym vyklikam, hetak ža, jak i pryniać razumnyja pastanovy na karyść usioj universyteckaj (i taksama hramadzianskaj) supolnaści.
Upeŭnieny, što chutka hetyja prablemy buduć raźviazanymi, i my zmožam pieravažna sfakusavacca na pavyšeńni jakaści našaj adukacyi, a taksama pryniasieńni bolšaha pažytku dla Biełarusi.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary