kommersant.ru
U horadzie Vołžski (Vałhahradskaja vobłaść, Rasija) 28-hadovaja nastaŭnica padazrajecca ŭ intymnaj suviazi sa školnikam. Ab hetym paviedamlajecca na sajcie rehijanalnaha ŭpraŭleńnia Śledčaha kamiteta.
Suprać piedahoha zaviedziena kryminalnaja sprava ab pałavych znosinach i raspusnych dziejańniach, učynienych u dačynieńni da asoby, što nie dasiahnuła šasnaccacihadovaha ŭzrostu.
Pavodle viersii śledstva, sustrečy žančyny sa školnikam byli rehularnymi i praciahvalisia ź siaredziny lutaha da pačatku sakavika hetaha hoda.
Pra stasunki daviedalisia baćki vučnia, ubačyŭšy ich pierapisku ŭ adnoj z sacyjalnych sietak. Vyśvietliŭšy, što kachanaja syna pracuje ŭ toj ža škole, dzie vučycca ich dzicia, jany paviedamili ab zdareńni ŭ adukacyjnuju ŭstanovu i ŭ pravaachoŭnyja orhany.
Svaju vinu žančyna całkam pryznała. Školnik taksama nie staŭ admaŭlać intymnuju suviaź.
Piedahoh-vychavalnik pačatkovych kłasaŭ, jakuju zavuć Anhielina, zvolniłasia. «Mama Alaksieja pryjšła ŭ škołu da dyrektara i raspaviała, što joj stali viadomyja padrabiaznaści ramana jaje syna z nastaŭnikam. Žančyna pakazała dyrektaru fatahrafii, jakija jana znajšła ŭ padletka ŭ telefonie. Na ich Alaksiej całujecca z 28-hadovaj nastaŭnicaj», - paviedamiła krynica. Paśla hetaha Anhielinu vyklikali ŭ škołu i paprasili napisać zajavu ab zvalnieńni.
Žančyna zajaviła, što pieršapačatkova nie viedała pra toje, što vučniu vośmaha kłasa, ź jakim u jaje byŭ raman, niama 16 hadoŭ, ale, kali daviedałasia, nie stała pieraryvać suviaź.