Nasielnictva Biełarusi za pieršyja try miesiacy 2016 hoda vyrasła na 343 čałavieki. U vyniku ličba dasiahnuła 9 498 700 čałaviek. Heta najbolšy pakazčyk z 2009 hoda.
Fota Siarhieja Hudzilina.
Biełstat ciapier publikuje demahrafičnyja dadzienyja štokvartalna, a nie štomiesiac, jak raniej. Atrymlivajecca, što ŭ siarednim nasielnictva Biełarusi pavialičvajecca na 114 čałaviek štomiesiac.
Jak dasiahajecca heta ličba? Naturalnyja straty (roźnica pamiž narodžanymi i pamierłymi) štomiesiac składajuć 807 čałaviek. Zatoje za hety ž čas u krainu pryjazdžaje 921 mihrant.
* * *
Najchutčej kolkaść nasielnictva raście ŭ Minsku. Za pieršy kvartał ličba vyrasła na 3372 čałavieki i dasiahnuła 1 963 200 čałaviek.
U stalicy «abjadnoŭvajucca» i naturalny pryrost (u siarednim +297 čałaviek na miesiac), i mihracyja (u siarednim +827 čałaviek na miesiac).