Hałoŭnaja biblijateka polskaha horada Rumia «Stancyja kultura», jakaja znachodzicca na čyhunačnym vakzale, była pryznanaja samaj pryhožaj u śviecie. Abjekt atrymaŭ pieramohu ŭ mižnarodnym konkursie Library Interior Design Awards u katehoryi Single Space Design.
Małhažata Kanoŭnik ź Instytuta knihi raspaviała, što «Stancyja kultura» atrymała pieramohu nad prajektami z Kanady, ZŠA i Kitaja. Pieramožcu vyznačyła žury, u skład jakoha ŭvajšli pradstaŭniki Amierykanskaj asacyjacyi biblijatek i Mižnarodnaj asacyjacyi dyzajnieraŭ interjeru.
Konkurs Library Interior Design Awards pravodzicca raz na dva hady. Hałoŭnymi kryterami pry aceńvańni dyzajnu biblijatek z usiaho śvietu źjaŭlajucca estetyka, kreatyŭnaść i funkcyjanalnaść pamiaškańniaŭ. Uznaharody dajucca ŭ roznych katehoryjach, u zaležnaści ad vieličyni i kolkaści pamiaškańniaŭ, a taksama śpiecyjalizacyi biblijatek.
Prajekt «Stancyja kultura» byŭ realizavany ŭ 2014 hodzie ŭ ramkach uradavaj prahramy «Biblijateka + infrastruktura biblijatek 2011-2015», jakuju ŭznačalvaŭ Instytut knihi.
Na dyzajn interjeru, nabyćcio i mantaž abstalavańnia biblijateka atrymała 735 tys. złotych (kala 170 tys. jeŭra). «My vielmi rady, što dziakujučy padtrymcy dziaržavy, polskija biblijateki ličacca samymi pryhožymi ŭ śviecie», — padkreśliła Małhažata Kanoŭnik.
Kamientary