Prykładna ŭ 17.15 na Kastryčnickaj płoščy ŭ stalicy nieviadomy mužčyna padpaliŭ siabie. Pra heta paviedamili vidavočcy ŭ sacsietkach. Pobač u hety čas zdareńnia apynulisia dvoje supracoŭnikaŭ AMAP: jany chutka sarvali padpalenuju vopratku i patušyli. Usio praciahvałasia paŭtary chviliny.
Usio adbyłosia la znaka «Nulavy kiłamietr».
Paźniej, u viačernim vypusku «Panaramy» na telekanale «Biełaruś 1» raspaviali, što heta nadzvyčajnaje zdareńnie ŭ peŭnym sensie — žest adčaju mužčyny.
Kala 10 hadoŭ jon byŭ žanaty, u šlubie naradziłasia dzicia. Paźniej para raźviałasia. Sud vyznačyŭ kratnaść sustreč baćki ź dziciem, ale ich kolkaściu mužčyna zastaŭsia niezadavoleny. Jon abskardziŭ heta ŭ Viarchoŭnym sudzie, ale rašeńnie zastałosia raniejšym. Paśla hetaha minčuk sprabavaŭ damahčysia svajho, źviartajučysia ŭ Administracyju prezidenta, ale ŭsio biezvynikova.
Tady minčanin adpraviŭsia na Kastryčnickuju płošču, abliŭ siabie bienzinam i padpaliŭ. Supracoŭniki AMAP patušyli ahoń, paciarpieły ciapier znachodzicca ŭ balnicy.