Hledziačy chakiejnuju tranślacyju matča Biełaruś — Švajcaryja, skłałasia lohkaje ŭražańnie, što našy suajčyńniki niebieražliva rasplaskali ŭsie emocyi dvuma dniami raniej u sustrečy z švedami.
Kamanda z alpijskaj krainy adrazu zrabiła hulniu viazkaj i marudnaj. Chutkija biełarusy nijak nie mahli ŭzłamać bramy Hierberta, a na 14-aj chvilinie prapuścili sami. Bolšaść realizavaŭ Žuljen Šprunhier. U druhim peryjadzie Kanstancin Kalcoŭ, dziakujučy samaaddačy, adabraŭ šajbu u švajcarca na jahonaj pałovie placoŭki i zraŭniaŭ lik — 1:1.
Zdavałasia, što biełarusy ŭsio ž zmohuć pierałamać chadu hetaj ciahučaj sustrečy, ale nie. U siaredzinie druhoha peryjadu hulniu našych chłopcaŭ padkasili šmatlikija vydaleńni. Jak vynik, Šprunhier druhi raz za pajadynak zmoh realizavać kolkasnuju pieravahu — 1:2.
U trecim peryjadzie švajcarcy całkam źviazali dziejańni biełarusaŭ. U našych było tolki niekalki momantaŭ, kab vyratavać hulniu. Apošni ź ich za try chviliny da finalnaj syreny ŭpuściŭ Aleh Antonienka.
Biełarusy prajhrali stratehična važny matč na hetym pieršynstvie śvietu. Ciapier, kab trapić u nastupny raŭnd u sieradu treba abaviazkova abyhryvać francuzaŭ. Šancy na traplańnie ŭ 1/4 finału dyk i zusim stali mizernymi.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary