13 červienia ŭpieršyniu ŭ Minsku vialiki solny kancert daduć papularnyja brytanskija mietalisty Bullet For My Valentine. Jak vyśvietliłasia, kalektyŭ vielmi padabajecca nie tolki chłopcam, ale taksama pryhožym i vielmi muzyčnym dziaŭčatam z samych roznych kutkoŭ śvietu.
U šortach i basanož — Meytal Cohen «Your Betrayal»
Miejtał — dastatkova zvyčajnaje dla Izraila imia i zaadno amal dakładnaja nazva lubimaha muzyčnaha stylu hetaj dziaŭčyny. Jana źjechała vučycca ŭ ZŠA i prasłaviłasia svaimi barabannymi kavierami na ŭvieś śviet, sabraŭšy na svaim kanale za 140 miljonaŭ prahladaŭ.
Strełki na vačach — Izzy Johnson «Waking The Demon»
Izi naradziłasia ŭ Anhlii, vyrasła ŭ ZŠA. Ź dziacinstva zachaplałasia hitaraj i mietał-muzykaj. Jaje samy rańni hitarny kavier na Bullet For My Valentine datujecca 2010 hodam, a ŭ 2013 hodzie jana prajšła prasłuchoŭvańnie na pazicyju hitarystki ŭ całkam dziavočaj mietał-hrupie Conquer Divide, čyj pieršy albom vyjšaŭ letam 2015.
Błandzinka ŭ kiepcy — Bluejscore «Tears Do not Fall»
Ci možna praśpiavać Bullet For My Valentine piaščotnym hałaskom dy pad akustyku? Jašče jak! Amal ananimnaja piaščotnaja błandzinka sabrała z hetym kavieram pad 500 tysiač prahladaŭ. Viadoma tolki toje, što jana z ZŠA i ŭ jaje jość Tvitar.
Japonskaja łalita — Fumie Abe «Waking The Demon»
Minijaciurnaja japonka Fumi Abe z 4 hadoŭ zajmałasia ihroj na pijanina i kalihrafijaj. Da 18 hadoŭ jana atrymała prafiesarskuju stupień u hetym nialohkim mastactvie i zachapiłasia mietał-muzykaj z barabanami. I treba pryznać, što ŭpraŭlajecca jana ź imi vielmi efiektna.
Rudaja ź pirsinham — JJ's One Girl Band «Your Betrayal»
Pa videa składana pavieryć, ale Džesi Džej — hitarystka-samavuk z Hiermanii. Pra siabie raspaŭsiudžvacca nie lubić, zatoje detalova raśpisvaje ŭsie svaje hitary i hitarnyja ŭzmacnialniki. Nu i kłasna hraje, samo saboj.
***
U Minsk Bullet For My Valentine pryjeduć z najlepšymi pieśniami i novym albomam «Venom», jakoj vyjšaŭ letam 2015. «Albom «Venom» udychnuŭ novaje žyćcio ŭ hierojaŭ brytanskaha mietału» — adznačyŭ aŭtarytetny brytanski mietał-časopis Kerrang.
BULLET FOR MY VALENTINE (Vialikabrytanija)
13 červienia — Minsk, Pałac sportu — 19.00
Kvitki: ad 540 da 870 tys. rub.
Prodaž: Kivtki.by, Ticketpro.by, Bycard.by i Kassy.by
Infalinija i zamova kvitkoŭ: +375444820160
Kamientary