«Raspačała sprobu ŭciačy i stała adšturchoŭvać milicyjaniera». Što tłumačyć milicyja nakont zatrymańnia handlarki ŭ Maładziečnie
6 maja ŭ Maładziečnie ludzi «adbili» žančynu, što handlavała kvietkami, u supracoŭnikaŭ milicyi. Zaraz u dačynieńni da žančyny raspačaty administracyjny praces za parušeńnie praviłaŭ handlu i niepadparadkavańnie patrabavańniu słužbovaj asoby. Pra heta paviedamlaje pres-słužba UUS Minabłvykankama.
Kala 10-j hadziny 6 maja kala haradskoha rynku ŭ Maładziečnie kamisija ŭ składzie pradstaŭnikoŭ adździeła handlu i pasłuh rajvykankama, rajonnaha centra hihijeny i epidemijałohii, a taksama kamunalnych słužbaŭ pravodziła rejdavyja mierapryjemstvy pa vykanańni praviłaŭ handlu i prafiłaktycy faktaŭ handlu ŭ nieŭstanoŭlenych miescach.
Supracoŭnikaŭ milicyi da hetaha mierapryjemstva pryciahnuli z metaj achovy hramadskaha paradku. Členy kamisii vyjavili fakt handlu ŭ nieŭstanoŭlenym miescy z boku adnoj z hramadzianak, jakaja z łatkoŭ pradavała vazonnyja kvietki.
U chodzie razboru žančyna admoviłasia nazyvać členam kamisii svaje abjektyŭnyja ŭstanovačnyja dadzienyja. Jany źviarnulisia da supracoŭnika milicyi pa dapamohu va ŭstanaŭleńni asoby žančyny, u dziejańniach jakoj ŭhledžvaŭsia fakt pravaparušeńnia.
Na nieadnarazovyja patrabavańni supracoŭnika milicyi nazvać svaje ŭstanovačnyja dadzienyja žančyna nie reahavała. Supracoŭnik milicyi prapanavaŭ žančynie prajści ŭ RAUS dla vyśviatleńnia asoby. Na heta žančyna raspačała aktyŭnyja dziejańni, kab pakinuć miesca incydentu.
Supracoŭnik milicyi rušyŭ uśled za joj, papiaredžvajučy ab niedapuščalnaści ździajśnieńnia supraćpraŭnych dziejańniaŭ i niepadparadkavańni zakonnym patrabavańniam, a taksama pra toje, što da jaje mohuć być užytyja fizičnaja siła abo śpiecyjalnyja srodki. Žančyna raspačała sprobu ŭciačy ź miesca zdareńnia i stała adšturchoŭvać supracoŭnika milicyi? havorycca ŭ paviedamleńni milicyi.
Paśla nieadnarazovych papiaredžańniaŭ i patrabavańniaŭ pavodzić siabie spakojna, supracoŭnik milicyi pryniaŭ rašeńnie prymianić śpiecsrodki.
Da hetaha času na miescy incydentu sabrałasia hrupa ludziej, asobnyja ź jakich pačali burna vykazvacca z nahody taho, kab zatrymanuju adpuścili. Dla ŭrehulavańnia situacyi na miesca dadatkova prybyli supracoŭniki milicyi i kiraŭnictva Maładziečanskaha RAUS. U vyniku paśla vyśviatleńnia asoby hramadzianki jaje ź miesca zdareńnia adpuścili.
Fakt užyvańnia śpiecsrodkaŭ zarehistravany ŭ adpaviednaści z narmatyŭnymi aktami. U dačynieńni da 41-hadovaj miascovaj žycharki, jakaja raniej nieadnarazova pryciahvałasia da administracyjnaj adkaznaści (u tym liku za handal va nieŭstanoŭlenych miescach i niezakonnuju pradprymalnickuju dziejnaść) pačaŭsia administracyjny praces. U jaje dziejańniach uhledžvajucca prykmiety ździajśnieńnia pravaparušeńniaŭ, źviazanych z parušeńniem praviłaŭ handlu i niepadparadkavańniuzakonnamu patrabavańniu słužbovaj asoby.
Fihurantka pa ŭłasnaj inicyjatyvie ŭžo naviedała Maładziečanski RAUS. Joj rastłumačyli normy dziejučaha zakanadaŭstva. Pravodzicca pravierka.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary