Śviaty vyklikali pavieličeńnie patoku ŭ pamiežnych punktach propusku. Na vyjezd u niekatorych punktach propusku ŭtvarylisia čerhi. Pra heta paviedamlaje pres-słužba Dziaržaŭnaha pahraničnaha kamiteta Biełarusi.
Pavodle tradycyi, najbolš składanaja abstanoŭka skłałasia na biełaruska-litoŭskaj miažy ŭ punkcie propusku «Kamienny Łoh». Pavodle infarmacyi na 17.50 vyjezdu ŭ Litvu čakajuć 100 hruzavych i 70 lehkavych aŭtamabilaŭ. U Katłoŭcy ŭtvaryłasia čarha z 20 hruzavych i 50 lehkavych mašyn. U «Pryvałcy» na vyjezd stajać 50 lehkavych aŭtamabilaŭ.
Nievialikija čerhi jość i na polskim napramku. U punkcie propusku «Bierastavica» mahčymaści ŭjechać u Polšču čakajuć 50 lehkavych mašyn.
Jość čerhi i ŭjezd va Ukrainu — u punkcie propusku «Novaja Rudnia» sabrałosia 80 lehkavych aŭtamabilaŭ, u punkcie propusku «Novaja Huta» — 30 mašyn.
U Dziaržaŭnym pamiežnym kamitecie ŭtvareńnie čerhaŭ źviazvajuć sa śviatočnymi dniami. Infarmacyja pra čerhi ŭ punktach propusku praź dziaržaŭnuju miažu abnaŭlajecca na interaktyŭnaj karcie kožnyja dźvie hadziny. U DPK rekamiendujuć kiroŭcam vybirać maršruty ruchu z ulikam apieratyŭnych dadzienych.
