Zbornaja Kazachstana – adna z hałoŭnych siensacyj čempijanatu śvietu pa chakiei, jaki prachodzić hetymi dniami ŭ Maskvie i Sank-Pieciarburzie.
Spačatku kazachi absalutna niečakana pieramahli mocnych šviejcarcaŭ. A paśla va ŭpartaj baraćbie ŭsio ž sastupili Rasii (4:6). Chacia jašče ŭ trecim pieryjadzie lik byŭ roŭnym (4:4).
Zapaminajecca Kazachstan pakul nie tolki hulnioj, ale i emacyjnymi pavodzinami svajho hałoŭnaha treniera Andreja Nazarava. Heta toj samy śpiecyjalist, jaki niekali palez u bojku z zaŭziatarami na «Minsk-Arenie».
U pierapynku hulni pamiž Kazachstanam i Rasijaj Andrej Nazaraŭ nie dazvoliŭ kapitanu kamandy Ramanu Starčanka dać abaviazkovaje fłeš-intervju. Nazaraŭ litaralna paciahnuŭ hulca za saboj. «Davaj, skančvajem», — skazaŭ nastaŭnik.
Na paślamatčavaj pres-kanfierencyi Andrej Nazaraŭ hetak rastłumačyŭ svaje pavodziny: «Usio na emocyjach, hulnia emacyjnaja, a tut pryhožaja dziaŭčyna Natalla Kłark staić! Kab chłopcy nie rassłablalisia – ja Ramana zabraŭ. Była b niesimpatyčnaja – pakinuŭ by».
Natalla Kłark – była viadučaj pieradačy «Sport-Viesti» na telekanale «Rasija», ciapier pracuje na «Matč-TV». Kłark – heta jaje sapraŭdnaje proźvišča.
Kamientary