Jak vynikaje z tłumačeńnia na sajcie psieŭdakazakoŭ, jašče niadaŭna im było ŭsio zrazumieła: «jak skazaŭ prezident, biełarusy — heta ruskija za znakam jakaści. My adčuvali siabie niezaležnaj častkaj tryadzinaha narodu».
Ciapier, maŭlaŭ, palityčnaja abstanoŭka źmianiłasia.
«Chłuślivyja ŚMI i masavaja prapahanda vykarystoŭvać narodnyja arnamienty-«vyšyvanki» dla raskołu braterskich narodaŭ», — upeŭnienyja «kazaki».
I z metaj «viartańnia histaryčnaj pamiaci» aktyvisty «Kazackaha spasu» vyrašyli złučyć pamiž saboju hieorhijeŭskuju stužku i stužku z arnamientam.
Pavodle sajta psieŭdakazakoŭ, 9 maja jany raspaŭsiudzili ŭ Minsku niekalki tysiačaŭ takich padvojenych stužak.
Kaardnynatar psieŭdakazakoŭ Piatro Šapko razdaje stužki na Niamizie
Dla hetaha psieŭdakazaki vykarystoŭvali i dziaciej. Ci razumieli tyja, što im zahadali rabić?
Fota: TUT.baj
***
Hieohijeŭskaja stužka — simvał impierskich ambicyj Rasii i jaje ahresii suprać Ukrainy. Kramloŭskija palittechnołahi imknucca zrabić hetuju stužku jašče i «simvałam» Pieramohi.