Minekanomiki: Taryfy na čyhunačnyja pieravozki dla pasažyraŭ nie mianiajucca
Taryfy na čyhunačnyja pieravozki dla pasažyraŭ u Biełarusi zastajucca raniejšymi, ale farmirujucca pa novych praviłach. Heta vynikaje z kamientaryja Ministerstva ekanomiki da pastanovy viedamstva ad 6 krasavika 2016 hoda № 16, jakoje apublikavana 14 maja na Nacyjanalnym pravavym internet-partale, a nabudzie moc praz 10 dzion.
Jak rastłumačyli ŭ Minekanomiki, ciapier u košt prajezdu na rehijanalnych linijach biźnies-kłasa, mižrehijanalnych linijach ekanom-i biźnies-kłasa, a taksama košt pravozu bahažu na haradskich, rehijanalnych i mižrehijanalnych linijach uklučany PDV u pamiery 20%.
Zhodna z pastanovaj, uzrovień dziejučych taryfaŭ na pieravozki pasažyraŭ na linijach, jakija z 1 sakavika 2016 hoda abkładajucca PDV, zastaŭsia niaźmiennym, a na linijach, jakija abkładalisia PDV i raniej, taryfy miechanična pavialičanyja na sumu PDV (20%), što spahaniajecca.
Pry hetym u pastanovie ŭdakładniajecca, što taryfy na pieravozki pasažyraŭ čyhunačnym transpartam ahulnaha karystańnia na haradskich, rehijanalnych i mižrehijanalnych linijach ustanoŭlenyja z ulikam padatku na dadanuju vartaść zhodna z zakanadaŭstvam. Heta značyć, kali raniej PDV spahaniaŭsia pry kupli bileta, to ciapier ŭ pastanovie pakazanaja kančatkovaja cana z ulikam PDV.
«Takim čynam, pryniaćcie pastanovy Minekanomiki nie pryviadzie da pavyšeńnia dziejučych taryfaŭ na prajezd i kančatkovy košt pasłuh pa pieravozcy pasažyraŭ čyhunačnym transpartam na haradskich, rehijanalnych i mižrehijanalnych linijach dla nasielnictva nie źmienicca», — padkreślivajecca ŭ kamientaryi Minekanomiki.
Dziejučyja taryfy na pieravozki pasažyraŭ čyhunačnym transpartam ŭstanoŭleny pastanovaj Ministerstva ekanomiki ad 14 śniežnia 2015 hoda № 70 — tady jany byli pavialičanyja ŭ siarednim na 33%.
Kamientary