Zhodna z apytańniem, zładžanym Usierasiejskim centram vyvučeńnia hramadzkaj dumki, najbolš siabroŭskija adnosiny ŭ Rasiei na siońnia skłalisia z Kitajem, jakomu addali svaje sympatyi 23% apytanych. Na druhim miescy apynułasia Niamieččyna — za jaje addali hałasy 17% apytanych. Vorahami №1 u rasiejcaŭ na siońnia — ZŠA i Hruzija — tak miarkujuć pa 25% apytanych), na treciaje miesca patrapiła Ŭkraina (21%). U apanentach u Rasiei chodziać Vialikabrytanija, Polšča, krainy Bałtyi dy inšyja dziaržavy. Biełaruś u śpisie vorahaŭ na 12‑m miescy z adnym adsotkam hałasoŭ respandentaŭ.
Apytańnie było zładžanaje ŭ krasaviku 2008 hodu. U 153 nasielenych punktach u 46 abłaściach, krajach i respublikach RF apytali 1600 čałaviek.
Varta adznačyć, što pavodle praviedzienaha ŭ 2006 hodzie rasiejskim Levada‑Centram štohadovaha apytańnia, Biełarusi sympatyzavali 47%. Na druhim miescy tady byŭ Kazachstan — 33%, a sioletni favaryt — Kitaj, — mieŭ 24% hałasoŭ i znachodziŭsia na trecim miescy. Trojku vorahaŭ Rasiei składali Łatvija, Hruzija i Litva — 46%, 44 i 42% adpaviedna.
