Ksiondz Luk Vilenbierh, kapiełan u 82-j parašutna-desantnaj dyvizii ZŠA, prabieh marafonskuju dystancyju ŭsiaho za adnu hadzinu i 42 chviliny, piša thericatholic.com.
Takim čynam, śviatar pabiŭ rekord chutkaści ŭsioj amierykanskaj armii padčas maršu na 12 mil (bolš za 21 km).
«Spadziajusia, što zmahu natchnić niekatorych svaich parašutystaŭ svaimi dasiahnieńniami», — kaža śviatar, jaki ŭ armii maje ranh kapitana.
«Ja pierakanany, što kapiełany paklikany być lepšymi ŭ armii pa duchoŭnaj tryvałaści, maralnych pavodzinach, fizičnaj zdolnaści, raźvićciu rozumu, viedańni techniki. Takim čynam my možam zrabić vieru pryvabnaj dla tych, kamu słužym», — kaža śviatar.
Ksiondz słužyć u armii z 2014 hoda i paśpieŭ sa svaimi sałdatami ceły hod prasłužyć u Afhanistanie, dzie atrymaŭ miedal Bronzavaj zorki — adnu z najbolš kaštoŭnych u amierykanskaj armii.
«Pavažać Boha i jahonyja šlachi — značyć prapanoŭvać moj ścipły i niedastatkovy, ale, spadziajusia, pabožny prykład maim parašutystam u 82-j parašutna-desantnaj dyvizii», — skazaŭ śviatar, jaki prajšoŭ ciažkuju padrychtoŭku ŭ prestyžnaj Desantna-šturmavoj škole.
