Sistemy samalota EgyptAir, jaki zvaliŭsia ŭ Mižziemnaje mora z vyšyni ŭ 11 kiłamietraŭ, zafiksavali zadymleńnie na pavietranym sudnie pierad tym, jak jano źnikła z radaraŭ. Pra heta piša The Wall Street Journal sa spasyłkaj na krynicy, znajomyja z chodam rasśledavańnia.
Pa dadzienych vydańnia, aŭtamatyčnyja sistemy stali pasyłać sihnały ab mocnym zadymleńni ŭ piaredniaj častcy samalota, dzie raźmieščany bartavy kampjutar pavietranaha sudna. Za niekalki chvilin da padzieńnia pavietranaha sudna sistema kiravańnia palotami złamałasia.
The Wall Street Journal taksama paviedamlaje ab mocnych paškodžańniach, znojdzienych na pravym baku kabiny piłotaŭ.
Udzielniki rasśledavańnia ličać, što hetaj infarmacyi pakul niedastatkova dla taho, kab mierkavać ab pryčynach, pa jakich pačałosia zadymleńnie.
