Stała viadoma, što pa vynikach vizitu delehacyi Uzbrojenych sił Abjadnanych Arabskich Emirataŭ u Biełaruś pryniaty šerah važnych rašeńniaŭ ab vajenna-techničnym supracoŭnictvie dźviuch krain.
Pavodle infarmacyi Minabarony, delehacyju AAE uznačalvaŭ kamandujučy vojskami radyjoelektronnaj baraćby bryhadny hienierał štaba (inžynier) Achmied Chałfan Al-Kubaisi.
Baki abmiarkoŭvali mahčymyja kirunki dvuchbakovaha supracoŭnictva. U pryvatnaści, havorka išła ab mahčymaj pastaŭcy sistem radyjołakacyjnaha vyjaŭleńnia i padaŭleńnia. Akramia hetaha, vajennaja delehacyja z AAE aznajomiłasia z šeraham navinak abaronnaha-pramysłovaha kompleksu Biełarusi. Vajennym śpiecyjalistam byli pakazanyja prajekty lohkaha bronieaŭtamabila 4ch4 VOLAT, ciažkaha aŭtaciahnika, roznych bieśpiłotnych aparataŭ.
