Kiraŭnik Apple Cim Kuk u intervju indyjskamu telekanału NDTV zajaviŭ, što cana na ajfony za miežami ZŠA moža być zavyšanaj.
U adkaz na zaŭvahu žurnalista, što košt ajfona ŭ Indyi vysoki «navat u dalaravym vyražeńni», pry tym, što za miežami ZŠA mohuć być dastupnyja nie ŭsie jaho funkcyi, Kuk zajaviŭ, što padatki i pošliny sapraŭdy robiać košt ajfona «vielmi vysokim».
«Naša rentabielnaść u Indyi adčuvalna nižejšaja, ale ja pryznaju, što košty vysokija. My chočam pryniać miery, kab ź ciaham času panizić ich, nakolki možam», — skazaŭ jon.
Kuk adznačyŭ, što Apple nie maje namieru źnižać płanku jakaści dziela prysutnaści ŭ bolš nizkich cenavych katehoryjach. «Čaho ja sapraŭdy chaču, dyk heta kab karystalnik u Indyi moh kuplać pa canie, padobnaj da amierykanskaj, […] i moh karystacca ŭsimi servisami», — skazaŭ Kuk.
Pavodle dadzienych Deutsche Bank, jakija pryvodzić Business Insider, cana iPhone 6 u roznych krainach moža značna pieravyšać canu ŭ ZŠA. Tak, u Brazilii ŭ 2016 hodzie ajfon kaštavaŭ na 56% daražej, čym u Amierycy, u Indyi — na 31%, u krainach Zachodniaj Jeŭropy — na 22%, u Rasii — na 16%. U krasaviku 2016 stała viadoma, što prodažy ajfonaŭ upieršyniu źnizilisia — u druhim finansavym kvartale hoda Apple pradała na 16% mienš ajfonaŭ, čym hodam raniej.
