«Tolki za apošnija sutki ŭ vyniku abstrełaŭ siem ukrainskich vajskoŭcaŭ zahinuli, dzieviać atrymali ranieńni», — paviedamiŭ sakratar Rady nacyjanalnaj biaśpieki i abarony Alaksandr Turčynaŭ.
telegraf.com.ua
Były časovy vykanaŭčy abaviazkaŭ prezidenta Ukrainy, jaki byŭ pieršym arhanizataram vajennaha supracivu rasijskim bajevikam na Danbasie, adznačyŭ, što heta najbolšyja straty za apošni hod.
Pra heta paviedamiła vydańnie censor.net.
Napružańnie na linii frontu va Ukrainie vyrasła paśla majskich śviataŭ, paviedamlała raniej supołka «Taktyčnaja hrupa Biełaruś».
«Sieparatysty, jak i čakałasia, aktyvizavali abstreły adrazu paśla 9-ha (maja). Tradycyjna horača na Aŭdziejeŭskaj pramzonie, šachcie Butaŭka, Zienicie. Na šmatlikich apornych punktach u rajonie Danieckaha aeraporta vajujuć razam z ukraincami biełaruskija dobraachvotniki», — havoryłasia ŭ paviedamleńni supołki biełaruskich dobraachvotnikaŭ, jakija vajujuć va Ukrainie.
«Adkaznaść za hetyja kryvavyja pravakacyi niasie vajenna-palityčnaje kiraŭnictva RF, jakoje sistematyčna i paśladoŭna padryvaje mirny šlach vyrašeńnia kanfliktu i vyzvaleńnia akupavanych terytoryj», — adznačaje sakratar RNBA.
Pa słovach Turčynava, pra sistemnuju padrychtoŭku da aktyvizacyi vajennaha supraćstajańnia z boku RF śviedčyć kancentracyja vakoł linii raźmiežavańnia zabaronienaha Minskimi pahadnieńniami ciažkaha ŭzbrajeńnia.
«Situacyja ŭ zonie praviadzieńnia Antyterarystyčnaj apieracyi abvastryłasia. Za minułyja sutki bajeviki 47 razoŭ adkryvali ahoń pa ŭmacavańniach US Ukrainy ŭzdoŭž usioj linii frontu. Najbolš aktyŭna — u ciomny čas sutak», — paviedamiła pres-słužba ATA na 6 hadzin ranicy 24 maja.
