I svoj apošni matč na čempijanacie śvietu pa chakiei zbornaja Biełarusi prajhrała.
Hetym razam zbornaj Danii – 2:3. I znoŭ, jak u matčy z Rasiejaj, apošniuju šajbu biełarusy prapuścili ŭ overtajmie. Našy suajčyńniki vyjhrali na čempijanacie tolki adzin matč: ź ladaščymi francuzami (3:1). Možna kolki zaŭhodna hanarycca overtajmami z rasiejcami i čechami, ale vynik adzin.
Dziakujučy parazie ŭ overtajmie – h.zn. našyja chakieisty nabrali adzin bał, a ziemlaki Chansa Chryścijana Andersena, Łarsa Ulrycha i Petera Šmejchiela – dva bały, -- zbornaja Biełarusi zastałasia na piatym miescy ŭ hrupie i dziaviatym na čempijanacie.
I musiać kali nie nalivać : ), to prynamsi mocna adździačyć niemcaŭ: zbornaja Hiermanii vyjhrała ŭ łatyšoŭ 5:3, i nie puściła našych paŭnočna-zachodnich susiedziaŭ u čverćfinał i, adpaviedna, na Alimpijadu-2010 ŭ Vankuver biez adboru.
Kali narvežcy nia zrobiać sensacyi i nia vyjhrajuć bronzy, to ŭ Vankuver jeduć biełarusy.
Turnirnaje stanovišča:
Hrupa "Je": Rasieja – 13, Čechija, Švecyja, Švajcaryja – pa 9, Biełaruś – 3, Danija – 2.
Hrupa "F": Kanada – 15, Finlandyja – 11, ZŠA – 9, Narvehija – 4, Niamieččyna i Łatvija -- pa 3.
Takim čynam čverćfinalnyja pary nastupnyja:
Švecyja – Čechija (matč 14 traŭnia, pačatak a 20-j), Kanada – Narvehija (matč 14 traŭnia, pačatak a 22:30)
Rasieja – Švajcaryja, Finlandyja – ZŠA (dva matčy ŭ noč na 15-ha traŭnia, a 02:15).