Vienhryja vystupaje suprać aŭtamatyčnaha rašeńnia ab padaŭžeńni sankcyj suprać Rasii, zajaviŭ kiraŭnik MZS Vienhryi Pieter Sijarta.
«My razmaŭlali pra pytańnie sankcyj, Vienhryja zacikaŭlenaja ŭ tym, kab Minskija pahadnieńnia jak maha chutčej byli vykananyja. Adnaznačna my nie prymiem, kab rašeńnie (ab padaŭžeńni sankcyj) było pryniata jak by «pad dyvanom», heta značyć prymianieńnie aŭtamatyčnaj pracedury my nie prymiem. My chočam dyskusii na vysokim palityčnym uzroŭni», — skazaŭ Sijarta pa vynikach pieramovaŭ z rasijskim kaleham Siarhiejem Łaŭrovym.
Dziejańnie abmiežavalnych mier ES zakančvajecca 31 lipienia. Pytańnie ab padaŭžeńni sankcyj budzie abmiarkoŭvacca na samicie 28-29 červienia.
Raniej paviedamlałasia, što piać jeŭrapiejskich krain — Vienhryja, Kipr, Hrecyja, Italija i Słavakija — majuć namier vystupić za źmiakčeńnie abmiežavańniaŭ.
