Žonka halivudskaha akciora Džoni Depa padała na razvod paśla hoda šlubu, paviedamlajuć suśvietnyja ŚMI.
Getty
Pa słovach pradstaŭnikoŭ presy, zajavu ab skasavańni šlubu Embier Chiord pieradała ŭ sud u minuły paniadziełak. Viadoma, što asnoŭnaj pryčynaj, pa jakoj 30-hadovaja aktrysa patrabuje razvodu, składajecca ŭ tym, što pamiž joj i jaje mužam isnujuć nievyrašalnyja supiarečnaści. Niahledziačy na toje, što muž i žonka nie zaklučali šlubnaha kantraktu, Embier u pazovie zapatrabavała ad svajho muža vypłaty joj alimientaŭ. Ad asabistaha advakata Depa stała viadoma, što akcior budzie prasić sud adchilić pazoŭ ab vypłacie alimientaŭ.
Paviedamlajecca, što Chiord padała zajavu ŭ sud praz dva dni paśla śmierci maci Depa.
Nahadajem, Džoni Dep i Embier Chiord paznajomilisia na zdymačnaj placoŭcy filma «Romavy dziońnik» u 2011 hodzie. Letaś jany aficyjna pabralisia šlubam.
Raman akciora z Chiord staŭ pryčynaj razryvu jaho adnosin z aktrysaj Vanesaj Paradzi. Razam jany pražyli kala čatyrnaccaci hadoŭ. Vanesa naradziła Depu dvaich dziaciej.
