Pavodle prahnozu Respublikanskaha hidramieteacentra, 14 maja ŭ Biełarusi čakajecca pieramiennaja vobłačnaść. Biez apadkaŭ, tolki dniom pa Viciebskaj vobłaści miescami nievialiki doždž. Viecier paŭnočna-zachodni, 5—10 m/s, dniom pa ŭschodzie paryvy da 14 m/s. Tempieratura pavietra: nočču plus 1—5°C, na hlebie i miescami ŭ pavietry zamarazki da 0 — minus 4°C; dniom plus 8—14°C, u paŭdniova-zachodnich rajonach da plus 16°C.
U Minsku 14 maja pieramiennaja vobłačnaść, biez apadkaŭ. Viecier paŭnočna-zachodni, 5—10 m/s. Tempieratura pavietra: nočču plus 1—3°C, na hlebie zamarazki da 0 — minus 2°C; dniom plus 10—12°C.
U nastupnyja dvoje sutak, 15 i 16 maja, pa krainie čakajecca vobłačnaje z prajaśnieńniami nadvorje. 15 maja pieravažna pa paŭnočna-ŭschodniaj pałovie projduć karotkačasovyja daždžy. Viecier niaŭstojlivy, 3—8 m/s. Tempieratura pavietra: nočču plus 1—6°C, pa paŭdniovaj pałovie zamarazki da 0 — minus 4°C; dniom plus 9—15°C, pa paŭdniovym zachadzie da plus 18°C. 16 maja miescami karotkačasovyja daždžy, dniom mahčymy navalnicy. Viecier niaŭstojlivy, 3—8 m/s, pry navalnicach paryvy da 14 m/s. Tempieratura pavietra: nočču plus 1—7°C, pa paŭnočnym uschodzie miescami zamarazki da 0 — minus 2°C; dniom ad plus 11—13°C na paŭnočnym uschodzie da plus 19—21°C pa paŭdniovym zachadzie krainy.
U Minsku 15 maja budzie vobłačna z prajaśnieńniami. Karotkačasovy doždž. Viecier niaŭstojlivy, 3—8 m/s. Tempieratura pavietra: nočču plus 2—4°C, dniom plus 11—13°C.
