Anatol Labiedźka: Andrej Tur kidaŭsia i biŭsia ŭ ścieny kalidora da apošnich svaich dzion
«Andrej Tur… Pra takich kažuć: nie ŭ toj čas, nie ŭ tym miescy, — piša ŭ svaim fejsbuku palityk Anatol Labiedźka. — Z vydatnaj adukacyjaj, ź libieralnym myśleńniem, jon by arhanična ŭpisaŭsia ŭ kamandu refarmataraŭ u Polščy ci Litvie. Ale heta, Biełaruś, bacieńka, naskroź prapachłaja, prasiaknutaja aŭtarytaryzmam, płanavaj ekanomikaj i palityčnaj šyzafrenijaj.
Andrej Tur — heta adkaz na dyskusiju ŭ asiarodździ prychilnikaŭ pieramienaŭ: ci varta ščamicca u hetuju sistemu? Luboj canoj, lubym šlacham. My čujem hałasy: hałoŭnaje tudy prabracca, i nie važna, praź dźviery abo akno, praz łožak ci ideałahičnuju blizkaść, ščoŭkańnie abcasami abo zdolnaść havaryć «nie». A voś prakraŭšysia ŭ łohava, my pačniom razburać sistemu znutry. Usio z dakładnaściu dy naadvarot. Heta sistema razburaje, nivieliruje, pieratvaraje ludziej u štampavanyja detali. Tolki svabodnyja, sumlennyja vybary, tolki pryncyp padziełu ŭładaŭ, tolki niezaležny sud dajuć nam šaniec zastavacca samim saboj, być ruchavikom pieramienaŭ, a nie inhredyjentam kansiervacyi sistemy.
Andrej kidaŭsia i biŭsia ab ścieny kalidora da apošnich dzion svaich…»
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»31
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3232
Kamientary