Minachovy zdaroŭja: Vykarystańnie vakcyny, jakoj była pryščeplenaja dziaŭčynka, što pamierła ŭ Hrodnie, prypynienaje

Vykarystańnie vakcyny «Pryjoryks», jakoj była pryščeplenaja dziaŭčynka, što pamierła ŭ Hrodnie, na čas razboru prypynienaje, paviedamiŭ namieśnik ministra — hałoŭny dziaržaŭny sanitarny doktar Respubliki Biełaruś Ihar Hajeŭski. Pavodle jaho słoŭ, stvoranaja kamisija Ministerstva achovy zdaroŭja, jakaja pracuje ŭ Hrodnie.

Jak padkreśliŭ Hajeŭski, čakajecca, što prypynieńnie vykarystańnia vakcyny budzie doŭžycca adzin-dva dni.

«Ja dumaju, što dla taho, kab zrabić kančatkovy vyvad adnosna zdareńnia, bolš času nie spatrebicca. Vakcynaj «Pryjoryks» nie buduć pakul pryščeplivać. Navat kali my na tysiaču pracentaŭ upeŭnienyja ŭ jaje biaśpiecy, treba dačakacca aficyjnaha zaklučeńnia. Kali my ssuniem płan pryščepak na niekalki dzion, heta nie naniasie straty zdaroŭju dziaciej».

Razam z tym, jak padkreśliŭ Hajeŭski, «śćviardžać, što śmierć dziciaci adbyłasia ŭ vyniku vakcynacyi, nielha». Mahčymaść mierkavać, što takaja suviaź adsutničaje, daje toje, što «vakcyna vykarystoŭvajecca ŭ krainie z 2012 hoda, tolki sioleta ŭ Biełarusi było vykarystana 150 tysiač doz vakcyny, nie było nivodnaha ŭskładnieńnia».

Hajeŭski paviedamiŭ taksama, što pryščepka pamierłaj dziaŭčyncy pravodziłasia z ampuły, ź jakoj było vakcynavanaje jašče adno dzicia. «U druhoha dziciaci niama nijakich niehatyŭnych nastupstvaŭ vakcynacyi», — skazaŭ namieśnik ministra.

Jon padkreśliŭ, što vakcyny, jakija vykarystoŭvajucca ŭ Biełarusi, prachodziać vyprabavańni ŭ RNPC epidemijałohii i mikrabijałohii i ŭžyvajucca tolki paśla adpaviednaj pravierki. Takim čynam, nieabchodna raźbiracca z pryčynami zdareńnia, skazaŭ hałoŭny sanitarny doktar.

Hajeŭski taksama zaznačyŭ, što ŭ Biełarusi za apošnija 20 hadoŭ nie było źviazanych z vakcynacyjaj dakazanych vypadkaŭ śmierci, a taksama ciažkich uskładnieńniaŭ u vyniku pryščepak.

Nahadajem, kala 16.00 31 maja ŭ dziciačaj paliklinicy № 1 Hrodna paśla ŭviadzieńnia kambinavanaj vakcyny suprać adzioru, paratytu i krasnuchi rezka pahoršyŭsia stan šaścihadovaj dziaŭčynki, žycharki abłasnoha centra. Niahledziačy na akazanuju miedycynskuju dapamohu, jana pamierła ŭ prysutnaści maci.

Upraŭleńniem Śledčaha kamiteta pa Hrodzienskaj vobłaści raspačataja sprava pa častcy 2 artykuła 162 KK (nienaležnaje vykanańnie prafiesijnych abaviazkaŭ miedycynskimi rabotnikami, što paciahnuła pa nieaściarožnaści śmierć pacyjenta).

Vakcyna bielhijskaj vytvorčaści, zakuplałasia centralizavana. 31 maja hetaj vakcynaj akramia zahinułaj dziaŭčynki byli pryščeplenyja jašče dzieviać dziaciej, skarhaŭ nie pastupała.

• 0
• 0
• 0
• 0
• 0
• 0
• 0
• 0