U Biełarusi štohod vydalajuć bolš za 100 tysiač zialonych nasadžeńniaŭ. Heta admoŭna adbivajecca na ekałahičnaj situacyi ŭ krainie. Takuju infarmacyju padčas anłajn-kanfierencyi na sajcie BiełTA ahučyŭ ministr pryrodnych resursaŭ i achovy navakolnaha asiarodździa Andrej Kaŭtucha.
Pavodle jaho słoŭ, da hetaha ŭ tym liku pryvodzić adsutnaść administracyjnaj adkaznaści słužbovych asob za parušeńnie paradku vydačy dazvołu na vydaleńnie abjektaŭ raślinnaha śvietu.
Pa vynikach pravierak uzdoŭž aŭtamabilnych daroh zafiksavanyja vypadki, kali miascovyja vykanaŭčyja i rasparadčyja orhany dazvalali vydaleńnie nasadžeńniaŭ biez praduhledžanych zakonam zaklučeńniaŭ i ŭzhadnieńniaŭ.
U suviazi z hetym Minpryrody ŭniesła prapanovy ŭ prajekt Zakona «Ab uniasieńni dapaŭnieńniaŭ i źmianieńniaŭ u Kodeks Respubliki Biełaruś ab administracyjnych pravaparušeńniach i Pracesualna-vykanaŭčy kodeks Respubliki Biełaruś ab administracyjnych pravaparušeńniach».
Nahadajem, u 2015 hodzie ŭ Biełarusi zrabili bolš žorstkaj administracyjnuju adkaznaść za parušeńni patrabavańniaŭ pryrodaachoŭnaha zakanadaŭstva. Heta ŭ tym liku pryviało da źnižeńnia kolkaści parušeńniaŭ ŭ 2016 hodzie.
Pa vynikach kantrolnych mierapryjemstvaŭ za čatyry miesiacy 2016 hoda orhany Minpryrody pryciahnuli da adkaznaści bolš za 4,5 tysiačy čałaviek na sumu kala 7,5 młrd rubloŭ. Dla paraŭnańnia, za anałahičny pieryjad minułaha hoda — bolš za 5,5 tysiačy asob na sumu bolš za 6,5 młrd rubloŭ.
