Dylan Martinez, Reuters
Vuličny mastak Benksi namalavaŭ novaje hrafici na ścianie pačatkovaj škoły ŭ Brystali, svaim rodnym horadzie. Benksi adlustravaŭ dziaŭčynku, jakaja kocić padpalenuju aŭtamabilnuju šynu. Školniki ŭbačyli novuju pracu mastaka ranicaj paniadziełka, 6 červienia, kali viarnulisia z kanikuł.
Ben Birchall, PA
Pierad kanikułami školniki paviedamili Benksi, što nazvali ŭ jaho honar adzin z svaich kłasaŭ. Hrafici ź dziaŭčynkaj stała adkazam mastaka. Jon taksama pakinuŭ list vučniam:
«Dziakuj za toje, što nazvali kłas u moj honar. Kali łaska, prymicie malunak. Kali jon vam nie spadabajecca, možacie spakojna dadać što-niebudź nad im, nie dumaju, što nastaŭniki buduć suprać. Pamiatajcie: zaŭsiody praściej damahčysia prabačeńnia, čym dazvołu. Benksi».