Na prodaž na «ličbavym čornym rynku» vystaŭlenaja baza dadzienych c 32,8 miljona ulikovych zapisaŭ karystalnikaŭ sacsietki Twitter, paviedamlaje LeakedSource.
Sajt pravioŭ vybaračnuju pravierku zapisaŭ, jakija źmiaščajuć, u tym liku, paroli i adrasy elektronnaj pošty. U chodzie pravierki 15 z 15 parolaŭ akazalisia dziejučymi.
LeakedSource piša, što sam Tvitar uzłamany nie byŭ, a ŭlikovyja zapisy złamyśniki, chutčej za ŭsio, atrymali praz škodnasnaje PZ, jakoje źbiraje infarmacyju z braŭzieraŭ.
Na karyść hetaj viersii, u liku inšaha, kaža toj fakt, što bolšaść adrasoŭ elektronnaj pošty, jakija trapili ŭ bazu dadzienych, naležać da rasijskich paštovych servisaŭ. Najbolš imavierna, dznačaje vydańnie, škodnasnaje PZ raspaŭsiudžvałasia siarod karystalnikaŭ rasijskaha siehmienta internetu.
Tak, najbolšaja kolkaść adrasoŭ elektronnaj pošty, jakija trapili ŭ bazu dadzienych, zarehistravanaja na Mail.Ru (krychu bolš za 5 miljonaŭ). Na piatym miescy pošta «Jandeksa» (bolš za 1 miljon adrasoŭ), na siomym radku Rambler z 428 tysiačami adrasoŭ. Siarod 10 paštovych servisaŭ, jakija najbolš časta sustrakajucca ŭ bazie dadzienych — bk.ru, list.ru i inbox.ru.
Paroli ŭ bazie dadzienych, vystaŭlenaj na prodaž chakierami, pradstaŭlenyja ŭ niezašyfravanym vyhladzie. Pry hetym viadoma, što Tvitar jak minimum z 2014 hoda nie zachoŭvaje paroli ŭ niezašyfravanym vyhladzie.
