Adzin z rasijskich zaŭziataraŭ, jaki ŭdzielničaŭ u biesparadkach u Marseli, dapamahaŭ bajevikam na Danbasie. Pra heta piša žurnalist brytanskaha vydańnia The Independent.
Reuters
Pa słovach aŭtara, jon upieršyniu sustreŭ Mikałaja dva hady tamu na ŭschodzie Ukrainy, dzie toj dapamahaŭ paciarpiełym bajevikam.
«Dva hady tamu, u haradach Słaviansku i Kramatorsku, u častcy uschodniaj Ukrainy, jakaja kantralavałasia sieparatystami, Mikałaj zajaviŭ mnie, što jon byŭ tam, kab raźmiarkoŭvać dapamohu i dapamahčy paciarpiełym u bajavych dziejańniach, a nie prymać udzieł u bajach», — adznačaje žurnalist.
«Ciapier jon nastojvaje na tym, što znachodzicca ŭ Francyi prosta kab hladzieć futboł i nie šukaje niepryjemnaściaŭ», — adznačaje jon.
Jak nastojvaje Mikałaj, jaki słužyŭ u marskoj piachocie Rasii, brytanskija ŚMI chočuć pakazać rasijskich balelščykaŭ u niehatyŭnym klučy. Pa jaho pierakanańni, hvałt padčas Jeŭra-2016 źjaŭlajecca nie takim mocnym, jak jaho demanstrujuć u miedyjach.
Raniej paviedamlałasia, što zbornaja Rasii ŭmoŭna dyskvalifikavanaja i aštrafavanaja na 150 tysiač jeŭra za biesparadki, jakija ŭčynili jaho fanaty ŭ Marseli.
