Zatrymanym u niamieckim Kiolnie šaściarym rasijskim futbolnym zaŭziataram vystavili abvinavačvańni pa troch artykułach kryminalnaha kodeksa FRH. Im moža pahražać da dziesiaci hadoŭ turemnaha źniavoleńnia, paviedamlaje ŭ piatnicu «Interfaks» sa spasyłkaj na pres-ataše pasolstva Rasii Siarhieja Bialajeva.
«Niemcy vystavili im pa troch artykułach: «parušeńnie hramadskaha paradku», «naniasieńnie cialesnych paškodžańniaŭ» i «supraciŭ palicyi». Artykuły ŭsie surjoznyja, maksimalnyja terminy pa ich — ad troch da 10 hadoŭ», — raspavioŭ Bialajeŭ.
Jon dadaŭ, što tym rasijanam, chto źviarnuŭsia pa konsulskuju dapamohu, budzie akazana padtrymka: dypłamaty źbirajucca sustrecca ź niekatorymi z zatrymanych zaŭziataraŭ.
Bialajeŭ taksama raspavioŭ, što ŭ piatnicu šaściarym rasiejcam pavinny vybrać mieru strymańnia. Raniej jany byli zatrymanyja na 24 hadziny.
16 červienia ŭ Kiolnie zatrymali šaściarych rasijanaŭ, jakija napali na troch ispanskich turystaŭ. Rasijanie pryjechali na čempijanat Jeŭropy pa futbole i źbiralisia vylecieć u Maskvu z Kiolna.
