Treba prysłuchoŭvacca da hołasu naroda sercam, takoje mierkavańnie siońnia vykazaŭ Mitrapalit Minska-Mahiloŭskaj archijeparchii Rymska-katalickaj carkvy archibiskup Tadevuš Kandrusievič na V Usiebiełaruskim narodnym schodzie.
«Dziaržaŭnym dziejačam, prostym hramadzianam, relihijnym lidaram treba prysłuchoŭvacca da hołasu naroda sercam, kab rabić usio mahčymaje dla raźvićcia našaj radzimy», — zajaviŭ archibiskup. Jon taksama adznačyŭ, što tradycyja ŭsienarodnaha abmierkavańnia žyćcia hramadstva i jaho prablem biare pačatak jašče z časoŭ Staroha zapavietu. Narodnyja schody adyhryvali važnuju rolu ŭ žyćci hramadstva.
Akramia taho, Tadevuš Kandrusievič nahadaŭ, što ŭ niadaŭnim minułym kiraŭnik Biełarusi sustrakaŭsia z papam Franciškam, a jašče raniej — ź Bieniadziktam XVI. «Usio heta stvaraje masty dla ŭzajemadziejańnia ŭ roznych śfierach na karyść našaha hramadstva», — padkreśliŭ ijerarch.
Jon adznačyŭ, što nielha nie ŭličvać taho, što na praciahu historyi chryścijanstva ŭ Biełarusi mieła vielmi važnuju rolu. «Siońnia, kali ŭ sučasnym śviecie adbyvajucca šmatlikija kanflikty na relihijnaj i nacyjanalnaj asnovie, my dziakujem Bohu, što ŭ Biełarusi ŭsie chryścijanskija kanfiesii i niechryścijanskija relihii na praciahu stahodździaŭ praciahvajuć mirna isnavać», — skazaŭ Tadevuš Kandrusievič.
Akramia taho, pavodle jaho słoŭ, adzin z vyklikaŭ sučasnaści zaklučajecca ŭ tym, što pad sumnieńnie stavicca ŭpłyŭ maralnych kaštoŭnaściej na farmiravańnie maralna zdarovaha hramadstva. Tamu treba rabić usio mahčymaje dla taho, kab viarnucca da hetych kaštoŭnaściej i na ich asnovie budavać budučyniu. Stabilnaje raźvićcio niemahčyma biez zachavańnia bazavych maralnych kaštoŭnaściej, ličyć archibiskup.
